Öfugsnúin

Ég á 5 ára stelpu, hún reyndar er að verða 6 ára í vor.

Hún er með endemum skemmtileg á morgnana. Nennir ekki fram úr Fötin sem Pabbi velur eru ljót, og það er leiðinlegt í leikskólanum.  Þetta getur tekið frá 20 mín til 40 mín, fer allt eftir því hvað pabbinn er röskur að byrja að vekja píslina.

Svo klukkan 8 þegar það er búið að slást við að koma henni í föt, greiða hár og flétta, og út um dyrnar þá er eins og ekkert hafi gengið á. Hún skyndilega orðin eins og Shaolin munkur(þvílíkt róleg og yfirveguð) pabbinn stendur ekki kjurr af stressi. Unglingurinn(Stelpa) orðinn of sein í skólann og lætur vita af því, sérstaklega systur sína. Pabbinn og mammann sitja í framsætinu og telja í hljóði upp í 100, komumst yfirleitt bara upp í 5- þá þurfum við að byrja að telja aftur.

Börn, þau eru svo sæt--- þegar þau sofa!!