F1 Monakó(afhverju KR verður ekki heimsmeistari)

Kimi á því miður, fyrir hann, ekki eftir að verða heimsmeistari. Ástæðan fyrir því er einföld, til að vinna mótið þarf jafnvægi. Þetta jafnvægi verður reyndar Kimi að falli. Það loðir nefnilega við hann að þegar Kimi er góður þá klikkar bíllinn og þegar bíllinn er góður þá klikkar Kimi.

Jafnvægið er að skila bílnum alltaf í mark og þá helst í einhverju af efstu sætunum. Kimi hefur jafnvægi, bara með öfugum formerkjum. Alonso hefur þetta jafnvægi og líka Hamilton. Hamilton hefur reyndar ekki unnið neina neina einstaka keppni en alltaf er hann á palli í lok hverrar keppni, sæmilegt jafnvægi það.

Monako kappaksturinn var í raun ekki skemmtilegur. úrslit voru ráðin á laugardag. Lítið um afföll sem reyndar er óvenjulegt, ég átti frekar von á að Hamilton myndi klikka á pressunni í akstrinum. Af því að það varð ekki sýnist mér hann hafa alla burði til að vinna mótið í ár. Ég er reyndar Ferrari maður og spái Massa titlinum í ár, Mclaren tekur keppni bílasmiða(ekki gleyma að Kimi ekur fyrir Ferrari). 

Það er ekki hægt að dæma heimsmeistaramótið út frá Monako kappakstrinum, nema að einu leiti Hamilton er með þetta jafnvægi sem ég var að tala um. Monako er reyndar tímaskekkja, kappaksturinn fer fram á laugardeginum( það er í raun soldið súrt að maður þurfi að bíða eftir öryggisbílnum til að  hrista upp í keppninni) Ég fékk það á tilfinninguna að Furstinn af Monako sé búinn að fá nóg af þessu sjálfur. Honum lá alla vega einhver ósköp á að koma dollunum í hendur sigurvegarans, svo niður af pallinum með hann.

En allavega ég bíð spenntur eftir Kanadíska kappakstrinum:)

Zsapper

Megi jafnvægið vera með ykkur