Þunglyndi og Spaugstofan

Það að lenda í mótlæti eða niðursveiflu ER ekki það sama og að lenda í "góðu", með öfugum formerkjum þó, þunglyndi.

Þetta er með verstu fyrirbærum sem fyrirfinnast, meðal annars af því að það sést ekki utan á fólki að það sé veikt.

Athafnamesta fólk verður að duglittlum hróum í verstu köstunum. Þorir jafnvel ekki út á meðal fólks jafnvel tilhugsun um fjölskylduboð verður að hreinasta víti í huga sjúklungsins.    

Mikið hefur verið skrifað um þátt Spaugstofunnar um síðustu helgi. Mér fannst þátturinn góður, nota bene. Einhverjum fannst þetta vera aðför að Ólafi borgarstjóra. En svo kom téður ólafur fram í sjónvarpi og vildi ekki tala um geðsjúkdóm þegar talið barst að veikindum hans sjálfs, heldur talaði hann um andlegt mótlæti. Kommon, hann var frá í marga mánuði, andlegt mótlæti, my a**!!

Og ekki gerði hann geðsjúkum neinn greiða með því að setja sig ekki á sama stall og þeir. Nei nei ég er ekki þunglyndur, ég er hins vegar í smá andlegu mótlæti.

Gangi honum vel í nýju starfi. Megi andlegi meðbyrinn(force) vera með honum.

Góðar stundir 

Athugasemdir

[óli (IP-tala skráð) 30.1.2008 kl. 17:00]

veikindi fólks sérstaklega andleg veikindi er eitthvað sem menn grínast bara ekki með! Sama hver á í hlut.

[bumba (IP-tala skráð) 31.1.2008 kl. 14:22]

Sæll, mikið er ég sammála þér, og tek ég heils hugar undir orð þín og athgsemdar Óla. Gangi þér allt í haginn. Með beztu kveðju.